وكالات-كود//

دري فعمرو 19 العام تخاصم مع صاحبتو، ولأنه معندوش الفلوس باش يشري ليها الورد ويتصالح معاها ناض شفر بوكي من محل وهرب.

البوليس في روسيا دارو بلاغ قالو فيه أن الشاب دخل للمحل، ودار راسو باغي يختار الورد وفي غفلة من مول المحال هز بوكي ساوي 156 دولار وهرب.

ومن بعد هادشي كامل، رفضات صاحبتو تشد من عندو الورد، وقرر يمشي لدارهم، لكن البوليس مشاو واعتاقلوه ودابا فتحو تحقيق في القضية وكيواجه 7 سنين ديال الحبس، لأن روسيا كتعتبر القضية جنائية وفقا للمادة 161 من قانون العقوبات.