19/04/2024 21:30
كانو غاد يهربوها للمغرب ويبيعوها بوراق مزورين فدول إفريقية.. لاگوارديا سيپيل حجزو طوموبيلات مسروقة ف هولندا وفرنسا
نجوى المالحي-كود//
الممثل سعيد باي خصص باساج من ظهورو في برنامج “بيناتنا” على “ميدي 1 تيفي” باش يدوي على صديقو الممثل والمغني فيصل عزيزي، لي قال أنه واعر في المجالات ديالو، ودافع عليه حيت ديما هو محط انتقادات.
وقال سعيد “خاصنا نعرفو بأن كل واحد هو حر، حنا كنطالبو بالحرية، وكيفما ماتبغيوهاش تسلب منكم، ماتحرمرش أي واحد منها”، في اشارة أن كل واحد حر يعيش كيفما بغا وفق داكشي لي كيناسبو.
فيصل عزيزي حط الباساج في صفحتو على انستكَرام وجاوبو وقال “من غير كونك ممثل مقتدر ومتمكن، انت رمز للفكر الحر و العقلية التقدمية. سعيد باي هو اول من اقترحني فعمل تلفزيوني سنة ٢٠٠٧. ممتن لك كصديق، كقدوة و كمحب للحياة. شهادتك والثقة ديالك تاج فوق راسي مون كاماراد”.
الرد كان سريع من سعيد باي لي قال ليه “كنبغيك كاماراد”.
ومعروف على الممثلين بجوج أنهم محترفين وفي نفس الوقت كيديرو الجدل بأعمالهم وتصريحاتهم.
