أسماء غربي- كود//

فضيحة وقعات البارح بمجلس النواب، فاش وقفو الجلسة لي كانت مخصصة لمناقشة مشروع ميزانية 2019، باش يمشيو يتعشاو، الفضيحة هي أن الحبيب المالكي رئيس المجلس كيسحابلو الميكرو مكيسجلس وبدا كيهضر مع نائبتو “عزوها العراك “على جوج برلمانيين من فيدرالية اليسار.

المالكي نسا بلي الميكرو خدام واخا الصورة مكايناش،- حسب تسجيل اطلعت عليه “كود” و حسب الفيديو اسفله ابتداءا من الساعة 3 و 53 دقيقة-، وقال بأن دوك البرلمانيين (عمر بلافريج والشناوي) كيبغيو غير يديرو البوز ويدوزو فالمواقع، خصوصا أن جلسة ليلة امس شهدت نقاشا وجدلا بين في موضوع الضريبة على الارث لي طرحها بلافريج وتعامل معه المالكي بطريقة معجباتش بلافريج.

وكلام اخر قالو المالكي،  هضرو على العشا وكيفاش يستمرو واحتجاجات البرلمانيين على تأخر المناقشة.

ولكن المالكي همو كامل لبارح يسرع ويدوزو الجزء الأول من مشروع الميزانية.. كلشي زربان.