كريم الشركي – كود //

ضربات غرفة الجنايات الإبتدائية فاستئنافية الحسيمة لبارح الإثنين، 4 دالمتهمين بتنظيم عمليات ديال الحريكَ من سواحل  الحسيمة، (ضرباتهم) بالحبس والغرامة.

وحكمات المحكمة على المتهمين اللي تمت متابعتهم بتهم “مغادرة التراب المغربي بصفة سرية، تنظيم و تسهيل خروج أشخاص مغاربة من التراب المغربي بصفة سرية و بصفة اعتيادية”، وضربات اللول بعامين ديال الحبس فيها عام سورسي، والثلاثة الباقيين ضرباتهوم ب6 شهور دالحبس.

وبخصوص طلبات الجمارك فحكمات المحكمة لصالحها بأداء المتهمين ال4 مبلغ 46600 درهم كتعويض ليها.