كريم الصوفي – كود//
[email protected]

ذكرات وسائل إعلام إسبانية، أن البوليس المحلي ب ملگة شد 3 ديال الشبان المغاربة بسباب تورطهم في ارتكاب هجومين على مثليين يحملون بدورهم الجنسية المغربية، حسب ما  أفادت به صحيفة El Confidencial الجمعة الفايتة.

وأضافت هاذ التقارير، أن هاذ الهجمات وقعات ما بين في 31 غشت و 2 شتنبر ف وسط المدينة ، والضحايا تعرضو لإهانات معادية للمثليين قبل الاعتداء عليهم جسديًا وسرقتهم ، واحد ضربوه ب قرعة ديال زجاج على راسو وضحية آخر تجرح حتا هو ف راسو. دابا المتورطين تشدو بتهمة ارتكاب جرائم كراهية. وحسب مصادر  Confidencial، المعتدين بررو الاعتداء على الضحايا بسباب احساسهم ب العار والفضيحة من وجود مثليين مغاربة ف اسبانيا.

Tres jóvenes marroquíes detenidos en Málaga por dos agresiones homófobas a compatriotas