كود سبور//

صبح الدولي المغربي أشرف بنشرقي لاعب الزمالك المصري قريب من الانتقال إلى الدوري الإماراتي لكرة القدم، وهو الأمر لي كيبحث عليه اللاعب باش يبقى قريب من صاحبتو لي غيتزوج بها.

وكشفات مصادر مطلعة على أن النجم المغربي لي غادر فريق الزمالك المصري من بعدما انتهى عقدو معه، عندو عرض من فريق الجزيرة الإماراتي، وهو العرض لي كيناسب اللاعب ليس فقط من الجانب المادي، بل الجانب الشخصي عندو دور أيضا، بحيث أن بنشرقي باغي ينتقل للعب فالامارات أو على الاقل فدولة من دول الخليج باش يبقى قريب من الصديقة ديالو لي ناوي يتزوج بها عما قريب.

المصادر نفسها وضحات على أن أشرف بنشرقي كان صعيب عليه يغادر الزمالك المصري بحكم العلاقة القوية لي ربطاتو بمكونات الفريق المصري، لكن الحب كان اقوى والاعب باغي يدخل للقفص الذهبي ويكون قريب من الحبيبة ديالو المقيمة بالامارات، وهو الأمر لي يقدر يخلي الجزيرة الإماراتي يفوز بخدمات اللاعب.