كود علي الصافي العيون  ///

الجزائر دخلات فحرب مع المغرب. اييه دابا حرب بادرة ولكن غادية وتفقد هاد البرودية وممكن تسخن مع هاد الايقاع اللي غادية بيه حروب الجارة الشرقية. من تجليات هاد الحرب٬ كاينة فامريكا. الجزائر كتمول حمنلة غير مسبوقة ضد المغرب باش هاد الادارة الحالية لبايدن تسحب اعترافها بمغربية الصحراء اللي كانت وقعاتو ادارة ترامب.

“كود” عندها نص الرسالة اللي باغية ترسلها ظاهريا البوليساريو ولكن فالواقع الجزائر٬ الى الرئيس الامريكي وعدد من رجالاته يوم الجمعة 19 فبراير 2021. الرسالة كيجمعو ليها التوقيعات دابا داخل امريكا. كلشي اللي محركين ناس الجزائر. حتى الرسالة فيها هدرة مباشرة علي ان الجزائر طرف ومعنية بهاد القضية. الموقعون طلبو فهاد الرسالة “إعادة النظر في قرار الرئيس السابق دونالد ترامب بأن تعترف الولايات المتحدة بسيادة المغرب على الصحراء الغربية وكذلك إعادة النظر في موقف الولايات المتحدة في هذا الصدد”

واعتبرت الرسالة ان هاد القرار “احادي الجانب” دارو ترامب وانو كيقايض حقوق ما سمته الرسالة “شعب المنطقة” بالحكم الذاتي وهدر على ربط هاد الشي بالعلاقات الديبلوماسية بين الرباط واسرائيل. ووصفت الرسالة هاد الشي ب”سياسية كارثية” تجعل امريكا في مواجهة حلفائها.

وكيف ديما رجعو للتاريخ كيف كتشوفو الجزائر وهدرو على انتهاك القانون الدولي وووو. من 1975 وهما كيهدرو وكاين حضور فكاع الرسالة حضور الجزائر. شوفو هاد المقطع “لم يكن سوى قرار الرئيس الجزائري بومدين بمنح حق اللجوء للصحراويين في الجزائر هو الذي حال دون إبادتهم. طوال فترة احتلال المغرب للإقليم ، كانت هناك انتهاكات واسعة النطاق لحقوق الإنسان للصحراويين الذين بقوا – بما في ذلك التعذيب و “الاختفاء” والاعتقالات الكاذبة والمعاملة اللاإنسانية في السجون والمحاكمات الجائرة والقتل ، وكلها موثقة من قبل منظمات مثل حقوق الإنسان. شاهد ومنظمة العفو الدولية ومركز RFK والمفوضية السامية للأمم المتحدة لشؤون اللاجئين”

اكثر من ذلك هدرات الرسالة فجزء اخر على ان الجزائر اهم من المغرب لامريكا فالمنطقة. شوفو اش كتبو “ان مصدر قلق المؤيدين للمغرب هو أن نقص الدعم الأمريكي سوف يزعزع استقرار المغرب ويكلف الولايات المتحدة حليفًا مهمًا في الحرب على الإرهاب. هذا غير صحيح. من المرجح أن تحدث زعزعة الاستقرار في المغرب بسبب الافتقار إلى الديمقراطية والفساد داخل المملكة. بالإضافة إلى ذلك ، على الرغم من أن المغرب حليف في الحرب على الإرهاب ، فإن الجزائر كذلك. الجزائر هي أول دولة تقدم المساعدة للولايات المتحدة بعد 11 سبتمبر. الجزائر هي أيضا شريك تجاري أكثر أهمية من المغرب. إن قرار الرئيس السابق ترامب الاعتراف بسيادة المغرب على الصحراء الغربية لن يؤدي إلا إلى تفاقم العلاقة مع الجزائر التي كانت أقل من الأمثل بسبب الدعم التاريخي للولايات المتحدة لموقف المغرب بشأن هذه القضية. ومن حيث دحر الإرهابيين الإسلاميين في منطقة الصحراء ، من سيكونون في وضع أفضل من البوليساريو ، التي تمكنت على مدار 16 عامًا من كبح جماح القوات المغربية على الرغم من المساعدة الهائلة التي قدمتها الولايات المتحدة وفرنسا والمملكة العربية السعودية للحكومة المغربية و اخرين؟”

واش كاين شي دليل اخر ان قادة الجزائر وجينرالاتها هما اللي كتبو هاد الرسالة وهما اللي كيخصلو عليها فلوس صحيحة باش اللوبيين اللي خدامين معاهم يتحركو؟ هاد الرسالة صيفطوها بالاضافة الى الرئيس بايدن لكل من  أنتوني بلينكين وزير الخارجية والسفيرة سوزان رايس والسيناتور روبرت مينينديز وجيمس ريش وأعضاء لجنة العلاقات الخارجية بمجلس الشيوخالنائبان جريجوري دبليو ميكس ومايكل ماكول وأعضاء لجنة الشؤون الخارجية بمجلس النواب واخرين.
اللي ظاهريا محرك فهاد القضية هما عيسى ميرزا على [email protected] وسوزان شولت على [email protected]

طبعا كيف قلنا هاد الحرب اللي دايرها الجزائر ما فيهاش غير هاد الشي. داك اللي نشراتو قناة “الشروق” على الملك غير استفزاز اضافي. الخدمة كاينة فالصحرا. الجزائر دازت للسرعة القصوى واخا فاشلة دابا٬ فتجييش بوليساريو الداخل. ما خلات ما دارت. دابا خدامين بسلطانة خيا. البوليساريو كيستغلو بنت اللي كيعرفها كيعرف باللي ساهلة يتم استغلالها. حتى اقرب افراد عائلتها عارفين هاد الشي. طلقوها باش تنجح رسالتهم لرئيس امريكا.

طبعا الجزائر وظفات حتى شي مغاربة كيقدمو ريوسهم معارضين. اخر هاد الشي هو اللي معروف بالعروبي اللي كاين فامريكا. رسلاتو الجزائر للمغرب وهو عارف باللي مبحوث عليه فتحدي كبير للدولة. قبل ما يوصل دار فيديوهات كيسب المؤسسات فالمغرب باش يزيد يجهلهم. هادا رسلاتو الجزائر وداخل فحربها ضد المغرب

دابا هاد الجارة عينها على المغرب. كدير كلشي باش ضربو