كود بوزنيقة ///

الويكاند اللي فات كانت السيبة فالسيركيللاصيون من المحمدية حتى لبوزنيقة. ممكن يكون فبلايص اخرى ولكن كود عاينات هاد الشي. فالدخلة دكازا من بوزنيقة كان الجدارمية واقفين وكلشي كيخالف القانون قدام عينيهم. كثار بزاف كيسوگو بطريقة غريبة. يمكن عددهم قليل. يمكن غلبوهم. ولكن القانون ما كانش.

الخطر كاين كيف كتنشر كود هاد الصور فلوطوروت. صحاب لماطع العاديين راجعين لكازا من البحر من بوزنيقة او من وراءها فالاتجاه الرباط فلوطوروت. اييه ما مسوقين لحد. كيسلتو علي لخلاص ويرجعو للوطوروت.

ماشي واحد او جوج بل مجموعات. الجدارمية غايبين حتى دخلة كازا لقديمة من لوطوروت عاد كاين واحد شاد شي 3 لماطر ولكن عشرات كيهربو ليه وكيكملو طريقهم.

وهادي ماشي غير بسالة هادي راها خطورة كبيرة علي امن وسلامة لمغاربة.