جمال بناصر – كود//
الجدرامية ديال آيت أورير، بإقليم الحوز، شدوا، البارح الأحد، عصابة مكونة من خمسة أشخاص متخصصة في البحث عن الكنوز.
الجدارية كانوا دايرين حملة تمشيطية روتينية بدوار العمرية فاش بات بانت ليهم طوموبيل كازاوية و وقفوا عندها باش يعرفوا اشنو كاين تما خصوصا أن الدار المهجورة الي كانت واقفة قدامها الطوموبيل كانت عامرة بالتراب، و فاش دخلو لذيك الدار لقاو الدراري ديال العصابة خدامين في واحد الحفرة اللي العمق ديالها فايت ربعا مترو بحثا عن الكنز.
العملية انتهت بحجز آلات متطورة لاكتشاف المعادن و إحالة افراد العصابة على النيابة العامة المختصة بمراكش.
