كود سبور//

الجامعة الملكية المغربية لكرة القدم تراجعات على قرارها بخصوص مكان إجراء الماتش ديال الگابون نهار 15 أكتوبر الجاري، ضمن استعدادات المنتخب الوطني للاستحقاقات القادمة.

الجامعة برمجات هاد الماتش فملعب طنجة فالثمنية ديال العشية، بعدما كان متوقعا فملعب المسيرة بأسفي.

واختارت الجامعة رسميا الملعب الشرفي فوجدة باش يحتضن الماتش ديال ليبيا ف11 أكتوبر الجاري فالسبعة ديال العشية.

والمنتخب المحلي غادي يلعب رسميا مع الجزائر في 18اكتوبر بالملعب البلدي فبركان، برسم التصفيات الإفريقية، المؤهلة إلى نهائيات كأس إفريقيا للمحليين، لي غادي تكون فالكامرون فيناير جاي.

اللعابة ديال المنتخب الأول غادي يسافروا مباشرة إلى طنجة، بعد الماتش ديال ليبيا.

وحيد خاليلوزيتش عيط ل27 لعاب باش يشاركوا فالماتشات بجوج، وعرفت اللائحة مفاحٱت، بعدما جرا على أكثر من 15 لعاب. واش المسألة كتعلق بالرغبة ديالو فاختيار أسماء جديدة ولا ما بقاش مقتنع بيهم.