كود سبور//

عينت اللجنة المركزية للتحكيم عادل زوراق حكما للفينال ديال كأس العرش، اللي غادي يجمع حسنية أكادير والاتحاد البيضاوي نهار الاثنين الجاي بالملعب الشرفي ف وجدة.

الحكم غادي يساعدو ف هاد المهمة كل من عصام بن بابا وياسين وقبا، كما عينت اللجنة المركزية هشام التمسماني حكما رابعا.

اما حمزة القارق، فغادي يتكلف بمهمة مراقبة الفيديو، بمساعدة زكرياء البوشتاوي.

وكشف مصدر “كود” أن اللجنة المركزية اختارت عادل زوراق، لحقاش مادارش الأخطاء كثيرة ف الماتشات لي حكم في الفترة الاخيرة، واللي كان فيها موفق، الشي لي خلا الاتحاد الإفريقي عينو حكم في مباريات صعبة سواء في مسابقتي عصبة الأبطال او كاف.

رضوان جيد، الحكم الدولي غاب عن ترشيحات قيادة نهائي كأس العرش، بسبب وجوده في البرازيل على هامش منافسات كأس العالم لأقل من 17 سنة.