وكالات//

قررات واحد الشركة جابونية أنها توقف صنع ليكوش ديالا الدراري الصغار، بعدما تراجع النشاط ديالها بشكل واضح، بسباب التراجع ديال الولادات في اليابان.

وعلى حساب ماقالت الصحافة ديال الجابون فهاد الشركة بعدما مابقاوش كيتمشاو ليها ليكوش قررات أنها تولي تخخص فمجال آخر ولي هو الحماية الصحية ديال الناس الكبار.

هاد الشركة الجابونية لي متخصصة في الورق ولي سميتها أوجي هولدينغز قالت أن معدلات البيع ديالها تراجعات بأكثر من 40 ف المية مقارنة مع هادي 20 عام، وهو الشي لي كيعبر على عمق الأزمة الديموغرافية لي كتعرفها البلاد.

وكتعتابر الجابون من أكثر الدول لي عندها مشكل ديموغرافي حقيقي بسباب عدد الولادات الضعيف عندها، وهي من أكثر الدول في العالم لي عندها الناس الكبار في العمر.