عطا أخنوش إشارات على أن تعديل حكومي يقدر يكون فالمستقبل القريب: ملي تكون أحزاب الأغلبية مستعدة غنجلسو ونتافقو
وكالات //
رفعات الشركة المنتجة لفيلم “المهمة المستحيلة” (Mission impossible) دعوى ضد شركة ديال لاصيرونص، لأنها ماخلصاتش الفلوس كاملة ملي تعطل التورناج وتوقف 7 دالمرات بسباب انتشار جايحة كورونا.
وقالت الدعوى المرفوعة من شركة “پاراماونت پيكتشرز” (Paramount Pictures) أمام محكمة اتحادية أميركية في كاليفورنيا، أن تصوير الفيلم، اللي من بطولة توم كروز، تأجل 4 ديال المرات في الطاليان، و3 مرات في بريطانيا بين فبراير 2020 ويونيو 2021.
هاد التوقف جا بسباب فيروس كورونا اللي تصابو بيه عدد من أعضاء فريق العمل وحتى بسباب الحجر الصحياللي كان مفروض في بعض الدول اللي كان فيها التورناج.
وتاهمات الدعوى شركة فيدرال للتأمين (Federal Insurance Co)، ومقرها إنديانا بخرق بنود العقد، بعدما وافقت تخلص 5 ملايين دولار مقابل التوقف الأول فقط، والأصل أنها خاص تخلص أكثر.