كود -كازا//

فيديو كتهضر فيه شي وحدا ويتم الحديث بقوة عن أنها استاذة منوض قربالة على مواقع التواصل الاجتماعي وتقنية الترسال الفروي “واتساب”. هاد الفيديو كتبان فيه شي وحدا كتقرا شي كتاب بالفرنسية لكن واش بصح هاديك أستاذة وكتشرح للتلاميذ الدراسة عن بعد؟

“كود” عطيات لمسؤول بوزارة التربية الوطنية، واستغرب من الترويج لهاد الكلام، موضحا بالقول: “أولاً داك الكتاب ديال التعليم الخصوصي ماشي دالعمومي، لكن شكون قالنا بأنها أستاذة، وبالنسبة لنا هاديك تلميذة حقاش صبعانها باينين ديال وحدا مزالة صغيرة”.

وماشي غير هاشي . مصدر “كود” أوضح أنها باينة تلميذة حقاش التلاميذ هوما اللّي كيتبو بصبعهم ولا بستيلو ملي كيكونو كيقراو”.