كريم الشركي – كود //

مات شاب مغربي ف نواحي خيرونا الإسبانية، بعدما ضربو الضو ملي كان كيحاول يسرق كابل ديال الضو، فمنطقة بيخور.

الهالك وهو مواطن مغربي فعمرو 26 سنة، كان كيسكن فمنطقة “بادالونا” نواحي برشلونة، وعندو سجل إجرامي، ولقاو الناس جثة الهالك ومباشرة خبرو السلطات الأمنية اللي ودات الجثة لمستودع الاموات.

وكان الهالك هاز فيدو لقاط، وهو ما رجح فرضية أنه كان باغي يسرق الأسلاك النحاسية.