كود طنجة//

علمت “گود” من مصدر مطلع أن عدد المرشحين فجهة الشمال بداو يتشكاو من الضغوطات على المرشحين خصوصا في العالم القروي، حيث اشتكى حزب التجمع الوطني للأحرار من “سلوكات مشينة” كيقوم بها حزب الاتحاد الدستوري الذي ف اقليم طنجة.

وحسب مصدر قيادي فالأحرار فإن السلطات الولائية بجهة طنجة تفاعلت مع الشكاية ديالهم ضد الاتحاد الدستوري، والامور غاديا مزيان دبا، مضيفا في حديثه مع “گود” بلي الحمامة غاتجيب نتائج مزيانة يلا تم احترام ارادة الناخبين ومكانوش تدخلات ولا استعمال المال السياسي.

المعطيات اللي عند “گود” تفيد بلي كاين للي تشكا من انحياز بعض رجال السلطة لمرشحي التراكتور فطنجة، خصوص فبعض المقاطعات خصوصا بالمدينة وبني مكادة. هادو كيتحداو الوالي اللي ديما كيوصي باش يكون الحياد الايجابي للسلطة