الرئيسية > آراء > التراكتور باغي يحرث الانتخابات بالملاير للصحافة وغيرها. دار صفقة بكثر من 150 مليون مع جورنال باش يسوق ليه مرشحيه وبرنامجو ويقدمو باللي المرشح للفوز
20/07/2021 12:00 آراء

التراكتور باغي يحرث الانتخابات بالملاير للصحافة وغيرها. دار صفقة بكثر من 150 مليون مع جورنال باش يسوق ليه مرشحيه وبرنامجو ويقدمو باللي المرشح للفوز

التراكتور باغي يحرث الانتخابات بالملاير للصحافة وغيرها. دار صفقة بكثر من 150 مليون مع جورنال باش يسوق ليه مرشحيه وبرنامجو ويقدمو باللي المرشح للفوز

كود –  هناء ابو علي ///

علمت “كود” ان حزب الاصالة والمعاصرة بدا حملة اعلامية كبيرة كيسوق فيها راسو باللي غادي يجي الاول فالانتخابات. حزب عندو 102 نائب برلماني ما دارو مالو وبينو فشل كبير باش يديرو المعارضة وكان مضارب مع راسو على لفلوس على المقاعد٬ جات جهات فاخر دقيقة وبدات كدوپي فيه.

هادا ماشي كلامنا. نرجعو للخبار. مصدر “كود” قال باللي كاين اتفاق مع مؤسسة اعلامية مغربية فيه اكثر من 150 مليون وممكن تمشي حتى ل200 مليون٬ ماشي باش يدير اشهار باين واضح٬ اللا. هاد الكونطرا فيها برامج حوارية فيها دفاع على برنامج التراكتور وفيه تقديم لمرشحيه. يعني كلشي اشهارات بلا ما تسمى.

كل مؤسسة من حقها دير اشهار بطريقتها. دابا هادا حزب كيقول باغي التغيير وهو كيتصرف بهاد الطريقة. فيها تحايل على المواطن على اللي غادي يصوت عليه.

وفق مصدر “كود” راه الاتفاق غادي يكون مع هادوك اللي كيقدمو ريوسهم مؤثرين ومؤثرات ويمكن حتى صحاب روتيني اليومي.

حزب ناضت بين اعضاؤو واتاهمو الحموتي الرجل القوي فالحزب اللي باقي فبلاصتو بعد ما قالو عليه فين مشات 4 مليار ديال البام. نفس الحموتي هو الامر الناهي دابا وكاين كومبارس حاطينو للواجهة اللي هو وهبي عبد اللطيف.

هادا ما دار حتى شي حاجة من القرارات للي كان وعد بيها. ها المتابع هشام المهاجري فقضايا شي فالجديدة وشي فطنجة بسباب “لافوار” ماتو فيه اطفال.

سنة 2013، تحكم عليه فغرفة جرائم الأموال لدى محكمة الاستئناف بالدار البيضاء، بالسجن النافذ بصفتو كاتب مجلس جهة مراكش آسفي، والنائب البرلماني عن شيشاوة، وأدانته بسنتين سجنا نافدا، في ما بات يعرف بقضية عبد اللطيف التومي الرئيس الاسبق لبلدية الجديدة، حيث كان المهاجري، وهو أحد أكبر منظمي المعارض التجارية بالمغرب، يستغل فضاء ملعب أحمد الأشهب لإقامة معرض الجديدة التجاري دون مقابل، وهي القضية التي كشف عنها تقرير للمجلس الجهوي للحسابات سنة 2011.

ها اللي محزم بيهم البام اللي باغي يصبغ تراكتورو شهر قبل الانتخابات.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه