عفراء علوي محمدي- كود//
دعا حزب التقدم والاشتراكية السلطات العمومية لتقديم المساعدة المادية المباشرة للعاملين في المجالات الاقتصادية غير المهيكلة، والمتكفلين بأسر فوضعية اجتماعية حرجة، وتيسير امتثال هذ الأسر لمستلزمات الاحتراز الصحي الجماعي والشامل.
فنفس الوقت، دعا الحزب الاشتراكي، فبيان ليه أعقب اجتماع المكتب السياسي ديالو اليوم الأربعاء، وهو الاجتماع اللي تدار عن بعد، (دعا) الاعضاء ديالو باش يساهمو فالصندوق الخاص بتدبير ومواجهة وباء فيروس “كورونا”، وتقديم المساعدة بأشكال وصيغ مختلفة، للفئات الفقيرة، واللي الوضعية ديالها صعيبة.
وطالب الحزب، فالبيان نفسود بضرورة تيسير عمل العاملين فالقطاع الصحي، خاصة على مستوى الإيواء والتنقل، وتوفير الوسائل لحمايتهم وحماية أسرهم من أي مكروه متصل بأدائهم لمهامهم فهذا الظرف الاستثنائي.
وكيناشد الحزب جميع المواطنين باش يعززو التزامهم بتدابير السلامة والوقاية وبكَاع إجراءات حالة الطوارئ الصحية، وهي الإجراءات اللي شاد ونوه بيها فالبيان المذكور.
وقال بللي إعلان حالة الطوارئ الصحية، والمجهودات اللي كتبذل لتفعيلها ميدانيا، يمكن تساهم فالحد من عدد الإصابات، على الرغم من بعض “النواقص المعزولة” اللي عرفها هذ الإجراء، وكيتم تجاوزها تدريجيا.
