كمال لمريني – كود وجدة //
قرقبو البوليس والديوانة اللي خدامين ف ميناء الناظور، أمس السبت، على شخص ف العمر نتاعو حوالي 40 سنة، وشدو عندو كمية مهمة د الحشيش كتقدر بحوالي 290 كلغ، حيت ك يشتابه التورط نتاعو ضمن ريزو ك يخدم ف التهريب الدولي د المخدرات.
وحسب ما كشفات عليه المديرية العامة د البوليس، فان المعني بالأمر، قرقبو عليه وهو ك يستعد امشي للخارج على متن رحلة بحرية ف ميناء بني أنصار، بعدما قلبو ليه الطوموبيل ولقاو فيها 290 كلغ د الحشيش.
وجرى الاحتفاظ بالمعني بالأمر رهن تدبير الحراسة النظرية لفائدة البحث الذي يجري تحت إشراف النيابة العامة المختصة، في انتظار تقديمه إلى العدالة من اجل المنسوب إليه.