نجوى المالحي-كود//
مغربية من مكناس دارت حالة في الانترنت بعدما بانت لابسة كسوة ديال البوليس في ميريكان واحتافلات بتخرجها على الطريقة المغربية بتزغريتة حارة.
السيدة اسمها فاطمة الزهراء الجابري، دوات في فيديو على التفاصيل وقالت أن الأمر يتعلق بتخرج ديالها من أكاديمية الشرطة في بلدية نيويورك وهي الأولى في الدفعة ديالها.
الجابري قالت “في المغرب كنفرحو براسنا بالتعناق والبوسان والزغايت، وفي مريكان مالقيت لي يزغرت ليا وأنا نزغرت على راسي”.
الفيديو لي دار بوم وانتشر بزاف معرفاتش فاطمة الزهراء كيفاش انتشر، وقالت أن شي وحدة من صحاباتها هي لي يمكن حطاتو ونشراتو بلاما تشاور معاها، ولكن فالأخير حظى بتفاعل زوين.
