النكَليز قررات تحبس واحد الراجل فالسبيطار.. متهم بحرق جوج ديال المصلين كانو خارجين من الجامع
كود كازا//
تحركات المغرب و الإجراءات اللي تاخد لمواجهة الجايحة واقفا للبوليزاريو فحلقو! متسرطاتش ليه كيفاش المغرب أتخد إجراءات إحترازية و ضابط أمورو فهاد الوقت! شنو مشا دار؟ حرك ألياتو الإعلامية و أراك لفيك نيوز!
غير هوا إنقلب السحر على الساحر و فيساع! ملي معندو منين يدوز للمغرب و ملكو الي واقف على شغالو فهاد الظروف الصعيبة و قايم بواجبو على أحسن وجه، ناضت ابواق البوليزاريو تتنشر فشي مواقع مشبوهة محسوبة على الأناركينين انه حقا ملك المغرب “هرب” لجزر الكناريس و خلا بلادو تتخبط فالأزمة!
وضاعة الإنفصاليين وصلات بيهم لتشبيه إدعاتهم الباطلة بداكشي اللي قام بيه ملك تايلاندا اللي سمح فبلادو و مشا يدير الحجر الصحي فبلاد الناس فألمانيا.
البوليزاريو قالك أسيدي الصحافة المغربية تتسائل على سبب الغياب و تتعزي الأمر للوضعية الكارثية للإصابات فالمغرب! و باز! كون صبرو غير شوية كون شافو الإستقبال الملكي اللي تم فيه التعديل الوزاري! الحاصول للي فيه شي بلية…