عفراء علوي محمدي- كود//

كشف صندوق النقد الدولي أن جائحة فيروس كورونا المستجد تقدر تتسبب فخسائر فعائدات الدول السياحية اللي ممكن تتجاوز 2 فالمية فمجموع الناتج المحلي، ومن بينها المغرب.

وحسب تقرير للصندوق حول تأثر الاقتصاد بالجائحة، فتقدر توصل نسبة الخسارة ل4 فالمية عند هذ الدول، اللي من بينها كوستاريكا ومصر واليونان ونيوزيلاندا والبرتغال وإسبانيا وسيريلانكا وتايلاند وتركيا.

وبالنسبة للدول السياحية الرائدة بحال فرنسا وغيرها، فممكن تجني خسائر فسنة 2021، حسب نفس التقرير.

وحسب استطلاع كانت دارتو منظمة السياحة العالمية، فانعاش السياحة مازال ممكن، ويمكن تعرف السياحة بعض التعافي العام جاي.