كود الرباط//

قالت امنة بركات عضو اللجنة العلمية للتلقيح، جوايا على سؤال “كود”، حول استثناء الناس لي فعمرهم 60 تال 64 عام واللي عندهم امراض مزمنة وكيمشيو للقطاع الخاص من التلقيح فهاد المرحلة، (قالت) أن هاد الفئة تاهي غاتجي مرحلتها.

واضافت بركات ل”كود”، أن “الوزارة بدات بالفئات اللي عندهم انظمة صحية بحال CNCC وCNPOS وراميد حيث ساهل الاحصاء ديالهم وهاد  مرحلة اولية اللي خدينا فيهم هاد ناس”.

وأكد ذات المصدر ل”كود” :”ملي نعاودو نزلو بصفة شمولية للمرحلة الجايا كولشي غايدخل  بما فيهم هاد الناس اللي كيتعالجو. فالبريفي والناس اللي معندهمش تغطية صحية”.

وتابع :” مرحلة شمولية كولشي غايدخل سواء لي عندو تغطية ولا الل معندوش واللي فربيقي  واللي مكاينش ف البريفي.

بيان وزراة الصحة، فيه أنه “ابتداء من يوم الأربعاء 23 فبراير 2021، تقرر توسيع الاستفادة من عملية التلقيح الوطنية لتشمل المواطنات والمواطنين الذين تتراوح أعمارهم ما بين 60 و64 سنة، وكذلك الشريحة الأولى للأشخاص الحاملين لأمراض مزمنة بما فيها أمراض الأورام والذين يتوفرون على أنظمة التغطية الصحية الإجبارية (الصندوق الوطني لمنظمات الاحتياط الاجتماعي والصندوق الوطني للضمان الاجتماعي) وكذا نظام (راميد)، وذلك بالموازاة مع تلقيح الفئة المستهدفة حاليا، والتي تهم الفئات البالغة من العمر 65 سنة فما فوق”.