هناء ابو علي – كود//

صوتت اغلبية البرلمانيين البارح ف البرلمان الاوروبي لصالح واحد القرار مهم كايفيد المؤلفين و الفنانين و الصحفيين ضد الشركات الكبيرة د الانترنيت.

القرار الجديد غادي يخلي شركات بحال يوتوب و كوكل و فايسبوك يكونو مجبرين يخلصو الناس اللي كايديرو محتوى فيهم باش ماتبقاش غير الشركات اللي كتستفاد من وجودهم فيها.

القانون مبني على مبدأ الحقوق المجاورة و كتعني ان مشاركة محتوى: موسيقى، فيديو، خبر صحفي ف الفايسبوك مثلا كيستافد منو الاخير بلا مايخلص او يساهم بشي حاجة و هنا خص ضروري يخلص شوية من الارباح، خصوصا و ان العديد من القراء كايقراو او كايشاهدو الفيديوهات على المواقع الكبيرة بلا مايدخلو للموقع الاصلي الشي اللي خلا  نسبة التراجع للصحف و الناشرين تكون كبيرة.