الرئيسية > كود سبور > البرتغال وفرنسا والسنغال.. ها المنتخبات اللي يقدر يلعب معها المغرب ملي يربح الصبليون
03/12/2022 08:00 كود سبور

البرتغال وفرنسا والسنغال.. ها المنتخبات اللي يقدر يلعب معها المغرب ملي يربح الصبليون

البرتغال وفرنسا والسنغال.. ها المنتخبات اللي يقدر يلعب معها المغرب ملي يربح الصبليون

كود سبور//

تعرف المغرب على الخصم ديالو المحتمل فحالة وصل لربع نهائي كأس العالم قطر 2022 ونصف النهائي، من بعدما يلعب ضد الصبليون بطل مونديال 2010 الثلاثاء اللي جاي.

المنتخب المتأهل من ماتش ثمن النهائي ما بين المغرب والصبليون غادي يلعب فدور ربع نهائي كأس العالم، ضد اللي غادي يتأهل من ماتش الثمن اللي غادي يجمع ما بين البرتغال بطل أوروبا 2017 وسويسرا، باش يعطيو متأهل لنصف النهائي.

المتأهل لنصف النهائي من هاد المنتخبات المذكورة غدا يلعب ضد المتأهل من فرنسا بطلة العالم 2018 أو بولونيا أو الننكليز وصيف بطل أوروبا 2021، أو  السنغال بطل إفريقيا 2022، مع العلم أن ثمن النهائي غادي يجمع فرنسا ضد بولونيا والننكليز ضد السنغال وهاد المنتخبات غادي يعطيو 2 متأهلين لربع النهائي ومن هاد 2 منتخبات غادي يتأهل منتخب واحد لنصف النهائي.

وكان المنتخب الوطني المغربي تصدر لكروب 6 برصيد 7 النقاط من بعدما تعادل مع كرواتيا وصيف بطل العالم 2022، وربح بلجيكا صاحبة المركز 3 فكأس العالم 2018، وكندا، وغادي يلعب فالثمن مع الصبليون اللي جات ثانية فكروب 5 برصيد 4 النقاط، من بعدما ربحت كوستاريكا وتعادلت مع لالمان وخسرت مع الجابون.

موضوعات أخرى

02/02/2023 12:30

البرد مزال مستمر فبلادنا.. درجات الحرارة غادي تتراوح بين ناقص 7 و19 درجة ابتداء من غدا حتى لبداية السيمانة الجاية وها البلايص المعنية

02/02/2023 12:15

افتتاح الموندياليطو بطنجة. لا بريطل لا مزند دارو شي حاجة. بجوجهم كومبارس فحفل افتتاح خدموه لفرانساويين ومعاهم شي طاليانيين

02/02/2023 11:44

كانو باغين الملك يعين الرئيس.. التويزي مسؤول فريق البام بمجلس النواب لـ”كود”: ها علاش سحبت الاغلبية مقترح تعديل قانون المجلس الوطني للصحافة والهدف الكبير هو تقوية رئاسة المجلس باش تكون بعيدة على التأثيرات والصراعات

02/02/2023 11:40

الشناوي حارس الأهلي: كنشكر المغرب والشعب المغربي على استقبالهم لنا والمغاربة كان عندهم دور كبير فتأهلنا للربع