كود سبور//

تفاجأت جماهير الرجاء الرياضي بالزيادة اللي قام بها رئيس النادي عزيز البدراوي فثمن تذاكر ماتش الفريق مع سيمبا التنزاني برسم عصبة أبطال إفريقيا، وهي المباراة اللي غيتم فيها الدخول ببطائق الاشتراك.

وتقرر يكون ثمن تذاكر الدخول إلى المدرجات المكشوفة هو 50 درهم، ولكن تزاد في ثمن دخول المدرجات المغطاة قرر البدراوي يدير لها 140 درهم، أما المنصة فالثمن ديالها هو 700 درهم.

للإشارة فجماهير الرجاء الرياضي قالت لعزيز البدراوي رئيس النادي أنه يلغي الدخول ببطائق الاشتراك فالماتش الجاي ديال عصبة أبطال إفريقيا ضد سيمبا وبخصوص تذاكر للبيع باش يساهموا الرجاويين ماليا مع فريقهم، وناض هو المرة الأولى ألغى بطائق الاشتراك لما تبقى من مباريات عصبة الابطال في هذا الموسم.

غضب جماهير الرجاء الرياضي على عزيز البدراوي خلاه يتراجع على القرار ديالو الأول، ومن بعدها قرر أن إلغاء الدخول إلى ملعب المركب الرياضي محمد الخامس فقط فماتش واحد ديال عصبة أبطال إفريقيا هو الماتش المقبل ديال سيمبا.