الرئيسية > كود سبور > البدراوي رئيس الرجاء وصف واحد من الجمهور بالشمكار – تدوينة
10/09/2022 12:00 كود سبور

البدراوي رئيس الرجاء وصف واحد من الجمهور بالشمكار – تدوينة

البدراوي رئيس الرجاء وصف واحد من الجمهور بالشمكار – تدوينة

كود سبور//

كيواصل عزيز البدراوي رئيس الرجاء الرياضي إثارة الجدل، وهذه المرة خرج يفسر السبب وراء دخوله فمشادات كلامية مع واحد من جمهور الفريق البارح فالتيران فماتش الفريق الأخضر واتحاد التواركة.

عزيز البدراوي قال فانستغرام: “الرجاء اليوم محتاجة أكثر من أي وقت آخر لجماهيرها، حتى تلقى التركيبة والتوازن المفقود اللي كتقلب عليه، ما محتاجاش الشمكارة ديال لخلا”.

وأضاف الرئيس ديال الرجاء: “واحد جاي مقرقب ملي دخل وهو كيسب فاللاعبين شي سبان ما فيه ما يتسمع فملعب صغير مدرجاتو قريبة من رقعة الملعب”.

البدراوي مع مرور الوقت بدأ كيفقد الصبر وقال: “فرع لينا ودنينا لمدة ساعتين ما شجع فرقتو ما هننا بسكاتو، بحال هاذ النوعية من الجمهور “زبانية صاحبنا” غي بناقص منها، .في لحظة غضب مني عصبني مشيت عندو نوريه التشجيع كيف كيكون ولكن لمن كتعاود زابورك يا داوود”.

موضوعات أخرى

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟