نجوى المالحي-كود//
رجعات المغنية الاماراتية أحلام تعبر عن حبها للباس التقليدي المغربي بعدما اختارت تلبس القفطان ديالنا البارح الجمعة ملي غنات في مهرجان الفجيرة في الامارات.
عضو لجنة تحكيم برنامج “أحلى صوت” لي كدير الجدل دائما بتصريحاتها وبطريقة لباسها، اختارت تكشيطة خضرا وبانت في كامل أناقتها.
وعبرات أحلام في تعليقها على البوسط ديالها على انستگرام لي فيه صورها عن فرحها حيت غنات مع ولد بلادها حسين الجسمي قدام شيوخ الامارات.
وكيوصل عدد المتابعين ديال أحلام في انستگرام لـ11 مليون واحد، وهي دايما كتختار تلبس القفطان في المناسبات الكبيرة تعبيرا عن حبها للمغرب.
