الرئيسية > آراء > الاستلاب الديني اللي خرب المجتمع المغربي
19/07/2019 10:00 آراء

الاستلاب الديني اللي خرب المجتمع المغربي

الاستلاب الديني اللي خرب المجتمع المغربي

هشام نوستيك-كود//

على الأقل مرة أو جوج فالشهر، تانطيح بزز مني فنقاش حاد معشي واحد من المقربين على ود الهوية العربية مقابل الهوية الأمازيغية. وكل مرة تانخرج بنفس النتيجة وهي أن جل المغاربة وقعليهم استيعاب/استلاب ثقافي عربي.

من منظور جيني، القضية محسوم فيها من شحال هادي. حناالمغاربة أمازيغ أوروبيين. أي مغربي دار التحليل غا يلقى راسوبنسبة كبيرة شمال إفريقي (يعني أمازيغي)، وشي بركة لا يستهانبها ديال جنوب أوروبا (20 – 35 فالمية). البقية تاتكون مشتتة وجانب الخطأ فيها كبير.

ديك 5 فالمية (أو أقل) ديال العروبة للي مخشية فينا، أقل أو تعادل نسبة جيناتنا الإفريقية السوداء. رغم ذلك ما غا تلقى تا شي مغربي تايهدر على الهوية السنغالية أو المالية.

علاش؟ الجواب الواضح هو الغزو العربي الإسلامي للي وقع لينا. لكن واش هذا سبب كافي أننا نقبلو بسرقة هويتنا الأمازيغية ونتحولو لمسخ عربي؟
نعم حنا مسخ عربي! تعيا أخي المغربي (الأمازيغي بزز منك) تحاول تولي عربي وتكتب الشعر وتقلد خالد بن الوليد، غا تبقى أمازيغي لا علاقة لك بالجزيرة العربية.

الأمازيغ الأحرار (جدودك) وقفوا ضد الغزو العربي من البداية. كسيلة، الكاهنة، ميسرة والكثير فوقتهم وموراهم. رغم هزيمتهم إلا أنهم قاوموا وضحاو من أجل القضية ديالهم. علاش هادشي ما تايتقراش للأطفال ديالنا؟ علاش كلنا قرينا التاريخ المصبوغ عربيا/إسلاميا؟

هنا غا ندخلو فالحسابات ديال شكون المستفيد من الإبقاء على”تعريبنا”. لا شك تجار الدين هوما المتهم الأول، لكن كذلك الدول العربية البترودولارية للي رغم التخلف ديالها على جميع الأصعدة، محتاجة تخلينا فالقبضة ديالها وما عندهاش مشكل توظف الدين والمال من أجل ذلك.

اليوم العرب بأنفسهم بداو يحشمو على العروبة ديالهم، السعودية للي هي مهبط الخشلاع كامل، تعرات وقالت للغرب هيت لك! ومازالين حنا الأمازيغ تانزغرتو ونهللو للعروبة.

طبعا باش نفهمو هاد الاستلاب الثقافي، خاص نرجعو لمصدر الخلل للي هو الإسلام. الإسلام هو حصان طروادة للي جاب ليناكاع هاد الروينة. العربية ولات لغة مقدسة والعرب ولاو بالتالي جنس مقدس. الخليفة أو الوالي خاصو ضروري يكون عربي. هاد التعامل هو للي تعرضو ليه الأمازيغ للي دخلو للإسلام. لقاو راسهم درجة ثانية، بحال لعبيد عند سيادهم العرب. نقدرو نقولو داك الوقت كانت موازين القوى مختالفة وكان الواحد مكره. واليوم؟ شنو تايربطنا بالعروبة من غير أننا تانفهمو العربية؟ تانسول بجدية؟

الأجوبة المحتملة:

المغاربة مخلطين فيهم العرب والأمازيغ: جواب خاطئ جينيا. للي تايعتابر نفسو عربي قح، يدير اختبار الحمض النووي ويرد عليا.

الإسلام: الأتراك والإيرانيين مسلمين ورغم ذلك ما بينهم وبين العروبة غير الخير والإحسان.

العربية لغة رسمية: اللغة الرسمية ديال شي بلاد ما تاتعني والو! فهايتي مثلا الفرنسية لغة رسمية، واش الهايتيين فرنسيين؟ زيد على هذا أن المغاربة ما تايهدروش أصلا العربية، تايهدرو دارجة مخلطة من كل فن طرب، لدرجة أن العربي ديال بصح، للي عايش فالصحراء العربية، ما تايقشبل والو فكلامنا.

صافي التاريخ فرضها علينا: هذا ماشي سبب مقنع. الحاجة الخطأ راها خطأ واخا يدوز عليها مليون عام. كاين شعوب بأكملها انقاسمات وكل واحد خدا حقو وفرض الهوية ديالو. كاين الهنود الحمر، أو سكان أمريكا الأصليين بلفظ أصح، للي رغم الإبادة وقرون من المعاناة مازال محافظين على الهوية ديالهم وفرحانين بيها.

علاش حنا حشمانين من أمازيغيتنا؟ شنو الامتيازات للي عاطيانا هاد العروبة باش تخلينا قابلين بالاستلاب الثقافي؟

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم