الرئيسية > تبركيك > الاستاذ الباحث بجامعة سطات بروكسي لـ”گود”: حضور العمري لجامعتنا خطير على الطلبة. راه جاي ينشر الكذوب والخرايف
08/05/2022 10:00 تبركيك

الاستاذ الباحث بجامعة سطات بروكسي لـ”گود”: حضور العمري لجامعتنا خطير على الطلبة. راه جاي ينشر الكذوب والخرايف

الاستاذ الباحث بجامعة سطات بروكسي لـ”گود”: حضور العمري لجامعتنا خطير على الطلبة. راه جاي ينشر الكذوب والخرايف

سامي العلوي – كود الرباط //

ديما “گود” كتنبه في مقالاتها لخطورة بعض التحركات فعدد من المناطق، بحال مثلاً في سطات نهار فجرت الجريدة “الفيلم” ديال “الجنس مقابل النقط”، راكم شفتو النتيجة، وبحال متابعة ملف البرلماني النصاب البابور الصغير، اللي كانت “گود” سباقة لنشر الغسيل ديالو.

من بعد مقال “گود” على ديك “المبادرة الطلابية”، اللي هي غير سمية مخبعين موراها شي خوانجية حفات ليهم الجرية، واللي أغلبيتهم أصلا ماشي طلبة، وهادشي بوحدو خصو تحقيق من رئاسة الجامعة، على ود دعوة ذاك التكفيري ديال ياسين العمري اللي كَالس تيهاجم الفن والإعلام وكلشي.

فهاد السياق اتاصلات “گود” بعمر بروكسي٬ أستاذ ديال العلوم السياسية بكلية العلوم القانونية والسياسية بسطات، واللي كان مقلق بزاف على هادشي اللي داروه هاد “الطلبة” باستدعاءهم لهاد الشخص.

وقال بروكسي في تصريح ل”گود” بأنن حضور هاد الشخص (ياسين العمري) فالجامعة اللي أنا كنخدم فيها هادي 18 لعام كيتعتابر دليل على الرداءة اللي دخلات بزاف هاد الأيام لمدرجات الجامعة.

بروكسي فتصريحو كيقول أنا من الناس اللي كيدافعو على حقوق الانسان وحرية التعبير ولكن حضور بحال هاد الظلامي اللي بغاو هاد الطلبة يلبسوه لباس الجامعي راه هادشي خطير بزاف لأن هاد العمري راه ماشي أكاديمي.

وتساءل الأستاذ الجامعي وهو كيقول كيفاش بغيتونا نحتارمو جامعي ماكيحترمش الفن الأصيل، مايجيش ينشر الخزعبلات ديالو في مدرج رئيسي ديال الكلية.

وختم كلامو مع “گود” بالتأكيد على أن الكلية المغربية اللي خرجات بزاف ديال المفكرين بحال محمد جسوس، محمد عابد الجابري وعبد اللطيف المنوني وبزاف ماكتستحقش هاد التبهديلة.

هاد “المبادرة” على حد ما قالت مصادر خاصة ل”گود” فهي كتجمع رباعة ديال الخوانجية التكفيريين والتكفيريات ومنهم بزاف اللي ماكيقراوش فالكلية وفيها علاقات مشبوهة ما بين شي لحاية وصحاباتهم وسطها.. وهادشي غادي ترجع ليه “گود” بالتفصيل لاحقا.

موضوعات أخرى

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون