واش هادشي غايأثر على شراكة اسبانيا والمغرب والبرتغال فمونديال 2030.. الحكومة فالصبليون دارت الوصاية على الاتحاد الإسباني بسبب الفساد وخايفين من خرق لقوانين الفيفا
كود سبور//
لاعب المنتخب المغربي حمزة منديل كحل الضواسة مع فريق شالك الالماني لي كيلعب معاهم، وغادي يجبدو ليه الوذنين مزيان من بعد ديك الضسارة وقلة الأدب مع مشجع مغربي بطريقة مافيها لا صواب لا آداب.
البارح كريستيان هيدل، المدير الرياضي ديال شالك الألماني، قال أنه غادي يدير جلسة للتحقيق مع منديل حيت سب المشجع.
القضية وما فيها واحد من المتتبعين معجبوش الأداء ديال منديل في مركب محمد الخامس وكتب ليه تعليق في شي بوسط قال فيه “كتلعب 3 ومكتهزش حتى عرضية مكادة”، ناض لاعب المنتخب المغربي لي كيلعب في فريق شالكة الالماني وجاوبو “جيب ليا ماماك نهزها مقادة”، والكابتور دارت بوم في المواقع.
منديل اعتذر وقال حكا كان تحت الضغط ديال الماتش وانه عمرو يقدر يعاير مشجع أو العائلة ديالو. اعتذار متأخر شوية. إيوا فكها دابة يامن وحلتيها.