كود كازا ///

الفريقين البرلمانيين للاتحاد الاشتراكي و حزب التقدم و الإشتراكية قدموا سؤال كتابي لوزير الداخلية و وزير الشغل على إغلاق شي مؤسسات التكوين تابعة ل OCP فبنجرير و الرحامنة فهاد ظروف كورونا.

مزيان، هادي هي خدمتهم و لكن اللي مامزيانش هي تحتج على شي حاجة بلا ماتتأكد منها. “كود” اتصلت ب OCP بهاد الخصوص و عبر مسؤول فالإدارة عن استغرابه لأن على حسابو الإغلاق ديال هاد المؤسسات غير مؤقت و جا تنفيذاً للتعليمات و القرارات الحكومية المتعلقة بالإجراءات الإحترازية المرافقة لجائحة كورونا. مصدر آخر من OCP ل”كود” أكد أن المؤسسة فخورة بهاد البرامج المرافقة للشباب و أن افتتاح هاد المراكز بعد انتهاء إجراءات الإغلاق اللي فرضاتها كورونا غا تجي بالجديد و برامج أخرى فيها حتى التتبع عن بعد لتوسيع قاعدة المستفيدين لأكبر عدد من الجمعيات الشبابية و التعاونيات و المقاولات الصغيرة.

و غير باش نفكرو الناس بدور هاد المراكز، فهي مبادرة كاتدخل فإطار مبادرات مؤسسة OCP المواطنة من أجل إدماج الشباب في وضع صعب و فالعامين اللخرين المركزين واكبوا 2500 شاب و سهلوا ولوج 1270 لسوق الشغل.