الرئيسية > آراء > الإلحاد مكيعنيش أن الواحد نقز من جماعة المكلخين الأغبياء وأصبح مباشرة كينتمي للمجتمع العلمي وأن أي إكتشاف أو إنجاز علمي فراه هو جزء منو بصفته ملحد يؤمن بالعلم
12/04/2019 12:00 آراء

الإلحاد مكيعنيش أن الواحد نقز من جماعة المكلخين الأغبياء وأصبح مباشرة كينتمي للمجتمع العلمي وأن أي إكتشاف أو إنجاز علمي فراه هو جزء منو بصفته ملحد يؤمن بالعلم

الإلحاد مكيعنيش أن الواحد نقز من جماعة المكلخين الأغبياء وأصبح مباشرة كينتمي للمجتمع العلمي وأن أي إكتشاف أو إنجاز علمي فراه هو جزء منو بصفته ملحد يؤمن بالعلم

محمد سقراط-كود///

خبر إلتقاط صورة للثقب الأسود هو إنجاز علمي كبير حسب ماقالو، وطبعا فالوقت لي تحقق هاد الإنجاز كاين ناس خريين متدينين مازال كيناقشو كروية الأرض، والإعجاز العلمي في القرآن، ووحدي نخرين كالسين كيتسناو جيسوس يهبط، وبزاف ديال الإعتقادات القديمة والكثيرة ولي حاليا مغاداش وممتناسباش مع بحال هاد الإكتشافات والإنجازات العلمية لي نوعا ما كتطعن فيها، لكن مكتلغيهاش أو تهدمها حيت الطبيعة البشرية والدماغ ديال بنادم ماشي بحال بحال وماشي الناس كلهم يقدرو يستوعبوا حاجات بالغين التعقيد بحال هاد الإنجازات والإكتشافات العلمية، غير  هو فالجهة الأخرى فراه عدم الإعتقاد بالدين والإيمان بالعلم، مكيعنيش مباشرة أنك وليتي كتنتامي للمجتمع العلمي، أو وليتي عضو من علماء النازا.

الإلحاد مكيعنيش أن الواحد نقز من جماعة المكلخين الأغبياء وأصبح مباشرة كينتمي للمجتمع العلمي وأن أي إكتشاف أو إنجاز علمي فراه هو جزء منو بصفته ملحد يؤمن بالعلم، هاد الفكرة غالطة حيت الفرد المكلخ المصمك المكيبيت غادي يبقى هوهو  سواء لحد أو آمن، والتدين من عدمه معندو علاقة بمستوى ذكاء الفرد أو ثقافته، راه تقي الدين الهيلالي لي نشر الوهابية فالمغرب موحال يوصل شي مومن أو ملحد مغربي لثقافتو ولمعرفتو ولذكائو ولإطلاعو باللغات.

وحالات أخرى كثيرة في كلا الجانبين، البلان هو هاد موجة السخرية من صحاب الإعجاز العلمي للقرآن لي متافق أنهم نصابة وشفارة وغماقة، وغادي يستغلو أي إكتشاف علمي ويقولوا أنه مذكور فالقرآن، ولكن هذا مكيعنيش عاوتاني أن داك الإنجاز العلمي مكتوب بسمية الملحدين غير حيت علمي، العلوم بحال الدين راها انتاج بشري ديال البشرية أجمع، وكولشي عندو الحق فيها يستاغلها كيف بغا، وكل واحد والأثر ديال هاد الإكتشافات على واقعو المعاش وحياتو.

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد