24/04/2024 06:00
غادي تنطلق من السعودية.. شركة كتعلن عن تنظيم رحلة للفضاء وماغاديش ثيق شحال خاصك تخلص باش تمشي معاهم
كود سبور//
بدا الأهلي المصري كيوجد لفينال عصبة أبطال إفريقيا ضد الوداد الرياضي، واللي غيتلعب الذهاب ديالو بالعاصمة المصرية القاهرة يوم 4 يونيو المقبل، والمصريين خدامين باش يضمنوا أكبر عدد ممكن من جمهورهم الماتش.
وناضو المسؤولين على الأهلي ورفعو طلب إلى السلطات المصرية باش يحلو ستاد القاهرة الدولي كامل فوجه جماهير الفريق فماتش ذهاب فينال عصبة أبطال إفريقيا ضد الوداد الرياضي، وإدارة الأهلي كتطالب بتوفير سعة التيران كلها واللي كتوصل إلى 75 ألف متفرج.
وللإشارة فماتش ذهاب عصبة أبطال إفريقيا بين الوداد والأهلي بالقاهرة غيتلعب يوم 4 يونيو الجاي ابتداء من الساعة 8 د الليل بالتوقيت المغربي وهي 7 الليل عند المصريين، والروتور بالمغرب يوم 11 يونيو مع 8 الليل بستاد دونور بكازا.
