هناء ابوعلي-كود//
خلال زيارتهم للمغرب مابين 23 و 25 فبراير، غادي يكون الامير هاري ومراتو ميكان ماركل ضيوف عند ابن عم الملك محمد السادس : مولاي محمد العلوي اللي كايترأس الجامعة الوطنية للفروسية فين غادي يتم استقبالهم ف المقر الرئيسي ديالها ف الرباط.
وغادي يزور الامير هاري ايضا مراكش فين غادي يمشي يشوف اعمال جمعية التربية للجميع اللي اسسها البريطانين “جون وود وميكايل ماكهجو” اللي هما براسهم من نخبة المجتمع البريطاني ف المغرب و سبق ليهم حصلو على اوسمة رفيعة من طرف الملكة اليزابيث.
كما غادي يتنظم لقاء بين الاميرين و مؤسسة المجتمع البريطاني المغربي اللي فيها رجال اعمال بريطانيين اغلبهم مسثمرين ف مراكش.