كود كازا ///

غادي اضيعو اللاعبين ديال المنتخب الوطني منحة كتقدر بـ 100 مليون سنتيم، إلى تقصاو من التصفيات، ومتأهلوش لمونديال روسيا 2018.

وكانت الجامعة قرات تعطي لكل لاعب 100 مليون سنتيم إلى ضمنوا التأهل لمونديال روسيا، ولكن القضية صعابت على المنتخب بعد التعادل ديال البارح أمام مالي بزيرو لزيرو، وضيعوا فرصة كبيرة باش احتلوا الصدارة ديال المجموعة الثالثة.

وهادي هي أعلى منحة غادي تخصصها الجامعة للاعبين، باش تشجعهم على أنهم اتقاتلوا باش اتأهلوا، خصوصا أن المغرب متأهلش للمونديال منذ سنة 1998 بفرنسا.

وهذي هي المرة الثانية لغادي اضيعوا فيها اللاعبين هاد المنحة، لأن الجامعة كانت غادي تعطيها ليهم في حال فازوا بكأس إفريقيا 2017 لكانت في الغابون، ولكن تقصاو من دور الربع.

المنتخب المغربي ولا خاصو اربح الغابون في المغرب، وامشي اربح منتخب الكوت ديفوار، باش اضمن التأهل خصوصا إلى المنتخب ديال الفيلة ربحوا مالي في الجولة المقبلة.