كود///
حصلت “كود” على معطيات من مصادر متطابقة تفيد أن أساتذة الإعدادي والإبتدائي لي مكلفين بحراسة تلاميذ الباكالوريا (الجهوي والوطني) غادي يحرسو التلاميذ هاد العام وهما ساخطين على الوضعية وفي حالة نفسية يرثى لها لعدم تخصيص الوزارة مرة أخرى أي تعويض مادي لهم مقابل هذه المهمة.
وبحسب نفس المعطيات، الأساتذة لي غادي يحرسو التلاميذ كيحسو بمظلومية كبيرة لكونهم الوحيدون لي ما كيخذو والو من هاد شي ديال امتحانات الباكالوريا على عكس مدراء المراكز والمفتشين والموجهين ومسؤولين في التعليم على المستوى النيابي والأكاديمي لي كياخذو تعويضات سمينة فيما الأساتذة العساسة كيخذو صداع الراس والسبان والمعيور والتهديدات من عند التلاميذ لي كيجو عوالين على النقيل.
