استغرب مصطفى بايتاس، الناطق الرسمي باسم الحكومة، من الخطوة التي أقدمت عليها سفارة فرنسا بالمغرب عندما أصدرت بلاغا تقول “تفاعلت سفارة فرنسا بالمغرب مع الخبار لي رايجة وما تداولته وسائل إعلام بخصوص تدخل سلطات بلدها لدى قناة فرنسية حتى لا تتيح لأحد ضيوفها التعبير عن رأيه في برنامج إخباري”.

بايتاس فجواب على سؤال “كود” بخصوص اقحام المغرب فقضية منع فرنسا لفرحات مهني من برنامج تلفزي فقناة فرنسية، قال :”أنا فقط أتساءل هل هذا يدخل في إطار الأعراف ، وهل السفارات تقوم به  في مختلف دول العالم مثل ما قامت به في المغرب”.

دابا هادشي لي دارت سفارة فرنسا فالرباط، سميتو اقحام بلادنا فقضية ما عندها علاقة بيها. داك الشي وقع فباريس. مع فرحات مهني رئيس حكومة القبائل المؤقتة، وعندو بطاقة لاجئ وكا يسافر بجواز المفوضية العليا لشؤون اللاجئين، ما عندو علاقة بالمغرب. علاش دخلتو الرباط. علاش باغيين توهمو الناس باللي المغرب طرف فموضوع ما عندو بيه علاقة. علاش بغيتو تلصقو للرباط قضية فرحات مهني. راه مواطن قبايلي وحنا مالنا.

فرحات مهني عندو جنسية قبايلية، مواطن قبايلي. ماشي جزائري وعمرو يكون جزائري، اختار النضال ضد النظام الجزائري وبغا الاستقلال وهذا حقو.