كريم الشركي-كود///

شرطة مورسيا الاسبانية، شدات مهاجر مغربي بعدما تعدى على مراتو الصبليونية لأنها فرشاتو مزوج عليها.

الاعلام الصبليوني قال أن الزوجة كتاشفات أن راجلها عندو تلفون آخور، وملي قلبات فهاد التلفون لقاتو كيهضر فيه مع مغربية وملي واجهاتو عتارف أنه مزوج عليها فالمغرب، وقالها انه خاصو مرا فإسبانيا، ومرا فالمغرب، وكان كيفكر اصلا يجمعهوم فدار وحدة.

السيدة جمعات حوايجها وخرجات من الدار ودارت شكاية انه تعدى عليها بعدما رفضات هاد الوضعية، الشي اللي خلا البوليس يعتاقلوه.