كريم الشركي – كود //
شدات عناصر الحرس المدني الصبليوني، لبارح الثلاثاء، جوج مهربين مغاربة، فشواطئ سبتة، بعدما حاولو يهربو كمية من المخدرات، وصلات ل70 كيلو.
وقالت صحيفة “ال فارو دي سيوتا”، أن هاد المغاربة شافوهوم عناصر الحرس المدني اللي كتحضي لبحر، خارجين بلباس الغوص ومشاو عندهوم يشوفو واش حراكَة، لقاو أنهم جارين حبل و ملي جبدوه لقاوه مربوطة 70 كيلو ديال الحشيش.
و زاد الموقع، أن هاد المهربين كانو مسخسخين بزاف بسباب الغوص من الفنيدق حتى لسبتة بهاد الكمية، حيث تم التحفظ عليهم وتقديم الإسعافات الاولية ليهم .
https://elfarodeceuta.es/nadadores-auxiliados-traficantes-hachis/