كود كازا//

نايضة فمواقع التواصل الاجتماعي بسباب بانوات إشهارية كتعرض منتوج لتكبير العضو الذكري، وفيها إيحاءات جنسية.

واحد البانو مصورة فيه بنانة بحجم كبير، وكاتبين عليها فالسلوكَون المرافق: “اللي عندو عندو.. والحل ديالك موجود”.. بانو آخر فيه كوبل معانقين ومكتوب عليه: “خليها ضاحكة.. خليك ماشي بحالهم وخود باك الرجولة”.

واعتبرو بعض الساكنة، فتعليقات وبوسطات فمجموعات ف”فيسبوك”، ان بحال هذ الإعلانات فيها “قلة الحيا”، وماشي مناسب تتعرض بهذ الشكل فالشارع العام، ويشوفوها أطفال صغار.

وحملو المعلقين المسؤولية لمجلس المدبنة اللي عطا الترخيص لبحال هذ الإعلانات، بلا ما يراقب مضمونها.