الرئيسية > آش واقع > اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى
21/05/2020 11:52 آش واقع

اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى

اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى

عفراء علوي محمدي- كود//

استنكرات النقابة الوطنية لأطباء القطاع الحر تقديم مقترح قانون لتعديل مقتضيات المادة 29 من القانون 04-17 بمدونة الأدوية والصيدلة يسمح بإستبدال الصيادلة للأدوية الموصوفة من طرف الطبيب المعالج، وطالبات بالسحب ديالو.

وقالت النقابة، فبيان ليها توصلات بيه “كود”، أن هذ الممارسة كتشكل خرق للقانون الجاري به العمل، وخصوصا المادة 108 من القانون 131/ 13، بحيث كتعتبر ممارسة غير قانونية للطب، وانتحال لصفة طبيب.

واعتبرات بللي السماح باستبدال الأدوية الموصوفة من طرف الطبيب المعالج غيعرض صحة المرضى للخطر، حيت الطبيب هو المؤهل علميا وقانونا لاستبدال الدوا الموصوف، وعمل الصيدلي مرتبط بتسليم الدوا وتوضيح طريقة تناوله، طبقا للمادة 29 من القانون 04-17.

وقالت بللي بحال هذ القرارات، اللي وصفاتها ب”الخطيرة”، غتخلق بلبلة واحتقان بين مهنيي الصحة، فهذ الظرفية اللي البلاد محتاجة فيها للأطر الصحية للتصدي لفيروس كورونا المستجد، وممكن تنتج عليها “عواقب وخيمة على المنظومة الصحية عامة وعلى صحة المواطن خاصة”، حسب البلاغ نفسو.

موضوعات أخرى

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد