نجوى المالحي –كود//

بقات أيام قليلة ونودعو 2021 ونستقبلو سنة جديدة لي أحداثها غالبا ماغاديش تكون مختالفة على السنوات الكثيرة لي دازت.

في عالم الفن والبيبول والتبركيك خصوصا، كانت 2021 نايضة مع قصة “حمزة مون بيبي” لي شوه وضرب أعراض الناس وكين لي خرج ليه على حياتو الشخصية.

هاد الحساب لي مازال داير شوية ديال الضجيج جر 3 ديال الناس لحبس الوداية بمراكش، وكيتعلق الأمر بكل من عيشة عياش، ابتسام باطمة وسكينة كَلامور.

في الشهورة الأولى ديال 2021 جا الفرج وخرجو من الحبس، عيشة عياش عانقات الحرية في فبراير، تبعاتها ابتسام باطمة في مارس وسكينة كَلامور في أكتوبر.

المتهمات بثلاثة توجهات ليهم نفس التهم وهي المشاركة في الدخول إلى نظام المعالجة الآلية للمعطيات عن طريق الاحتيال، والمشاركة عمدا في عرقلة سير هذا النظام.

بعدما خرجو من الحبس عيشة وابتسام وسكينة رجعو لحياتهم العادية، ولمواقع التواصل الاجتماعي..