الرئيسية > آش واقع > اش وقع ف 2020 بين المغرب واسبانيا؟.. شوية دالحب وبزاف دالزكير والقوالب
02/01/2021 15:30 آش واقع

اش وقع ف 2020 بين المغرب واسبانيا؟.. شوية دالحب وبزاف دالزكير والقوالب

اش وقع ف 2020  بين المغرب واسبانيا؟.. شوية دالحب وبزاف دالزكير والقوالب

كريم الشركي-كود///

بحال ديما، بين المغرب والصبليون وعلى مدى قرون من العلاقات، كاين شوية دالحب بين الجيران وبزاف ديال القوالب والأزمات، وهاد عام 2020 ماكانتش البدية ديالو بالحب، بل كانت بأزمة كبيرة.

وفيناير غتبدا أزمة ترسيم الحدود بين المغرب وإسبانيا، بعدما مشى المغرب بعيد، وماتسوق لحد وبدا فترسيم حدودو البحرية من طرف أحادي، والصبليون ماعجبهومش الحال وبغاو يتشارك معاهم فهاد الترسيم، وهو ما حدث لاحقا بعد تفاهم نغربي اسباني حول موضوع الترسيم.

وفي شهر فبراير سارعت إسبانيا إلى تحاشي أزمة مع المغرب، بعدما التقى وزير اسباني ينتمي لحزب بوديموس، مع ممثلة لجبهة البوليساريو، حيث قالت وزيرة الخارجية أن إسلانيا لا تزال لا تعترف بجبهة البوليساريو وتأمل في حل أممي يرعاه الامين العام للأمم المتحدة.

فشهر مارس وقبل ما يسد المغرب حدوده مع العالم بسباب كورونا سد مع إسبانيا هي اللولة، هادشي اللي دار أزمة حقيقية على الجانبين، حيث أن لمغاربة لي بسياراتهم فاسبانيا بقاو واحلين تماك، والاوروبيين لي بسياراتهم فالمغرب بقاو واحلين هنايا.

فشهر ابريل سارعت سفارة اسبانيا فالمغرب الى تكذيب مقالات اسبانية ومغربية تؤكد مصادرة إسبانيا لأدوية كانت موجهة لدول افريقيا بينها المغرب، وشددت السفارة أن الدولة الاسبانية ميمكنش ليها تصادر أدوية غاتصيفط للمغرب.

أما شهر يونيو فقد شهد مقتل طفل مغربي على يد موظفي أمن في مركز للقاصرين بعدما خنقوه على طريقة جورج فلويد الأمريكي، وهي القضية التي أثارت ضجة اعلامية كبيرة بين البلدين.

كما رفضت اسبانيا فتح حدودها مع المغرب وأقرت مبدأ التعامل بالمثل مع اي دولة تغلق الحدود في وجهها، وفي نفس السياق رحبت اسبانيا بإيقاف المغرب عملية مرحبا 2020، الامر الذي سيجنبها مرور ملايين المغاربة خلال أزمة كورونا.

وفشهر يوليوز كادت أن تندلع أزمة جديدة بين البلدين بسبب سبتة ومليلية، بعدما اعلنت صحف سبتاوية أن ملكي اسبانيا سيزوران سبتة ومليلية في زياراتهم لمناطق الحكم الذاتي بأسبانيا، لكن القصر سيكذب الأمر لاحقا، وهو ما ستفعله الحكومة ايضا تحاشيا لأي أزمة مع المغرب.

وتزامنا مع عيد العرش وثورة الملك والشعب في شهر غشت، استفزت اسبانيا المغرب بإرسال غواصة حربية لها إلى مليلية، وذلك في شبه استعراض للقوة، بعدما بدأت تتعالى تحذيرات داخل اسبانيا من تنامي قوة المغرب العسكرية.

وفشهر اكتوبر بانت أزمة الشاحنات ببن البلدين، وذلك بعدما قامت اسبانية بتشديد الاجراءات على الشاحنات المغربية التي تمر على الاراضي الاسبانية، ليرد المغرب بإجراء مماثل ومنع الشاحنات الاسبانية تدخل المغرب يلا ماكانش عندها عقد تعاون مع شركة مغربية، وهو ما عرف بأزمة الشاحنات بين البلدين.

بعد عشرة شهور ديال الجفاء، فشهر نوفمبر كان شوية ديال الصواب والحب بين البلدين، بعدما بداو البلدين كيوجدو لاجتماع رفيع المستوى بيناتهم، وصيفطات اسبانيا للمغرب 130  مركبة متطورة لمراقبة حدودها ومحاربة الهجرة، ولكن هاد سبعيام دالباكور غاتسالي ب خزيت فشهر دجنبر.

طبعا دجنبر تلغى فيه ديك الاجتماع رفيع المستوى لي كانو كيوجدو ليه فنوفمبر، وهادشي بعدما تقرصات اسبانيا من اعتراف أمريكا بمغربية الصحراء، ومشات كتقول أنها كتطالب ميريكان تبقى محايدة، وهادشي خلا المغرب يكعى ويدخل مع الصبليون فشدلي نقطع ليك… وهو لي كيخلي المغرب واسبانيا يصلاح يكون عندهوم عنوان ثابت هو “العداوة ثابتة والصواب لازم يكون”.

موضوعات أخرى

30/03/2024 02:00

أشهر توام ملاصقين فالعالم تزوجو براجل واحد.. والقصة ديالهم دارت البوز فالعالم

30/03/2024 01:00

4 طن و400 كيلو دالحشيش “المغربي” تهربات ف 2 رموكات من طنجة المتوسط وتحجزات ف ميناء موتريل و2 شوافرية مغاربة تشدو

29/03/2024 23:00

“مغتصب تيندر” المتهم بإغتصاب 17 مرا.. سليم برادة تحكم ب18 العام د الحبس فباريس وحيت مغربي منعو عليه يرجع لفرنسا

29/03/2024 22:30

صمود فوجه الازمات وصعود بالاستثمارات الكبيرة ومشاريع مهمة فكان 2025 ومونديال 2030.. وكالة التصنيف الائتماني “ستاندرد آند بورز كلوبال”: الاقتصاد المغربي غادي مزيان واستثمارات كبيرة جايا للمملكة وكاينا نجاعة حكومية فتدبير ازمة الماء والطاقة