الرئيسية > ميديا وثقافة > اش واقع لمهرجان مراكش. كيفاش يتأجل ومهرجانات عالمية دارت وتعطي مبرر ما شادش
14/09/2021 12:00 ميديا وثقافة

اش واقع لمهرجان مراكش. كيفاش يتأجل ومهرجانات عالمية دارت وتعطي مبرر ما شادش

اش واقع لمهرجان مراكش. كيفاش يتأجل ومهرجانات عالمية دارت وتعطي مبرر ما شادش

كود كازا ///

افادت مؤسسة مهرجان مراكش الدولي للفيلم انه تقرر تأجيل الدورة 19 من المهرجان الدولي للفيلم الى موعد لاحق. المؤسسة بررت هاد التأجيل ب”الوضعية الصحية السائدة على الصعيد العالمي”.

طبعا هاد المبرر ما شادش. علاش؟ شفنا مهرجانات عالمية دارت مؤخرا. مهرجان كان السينمائي دار فوقتو. هو اكبر مهرجان سينمائي فالعالم. كانت التدابير صارمة وكلشي شاف الافلام وتابع انشطة المهرجان ودار الطابي روج.

قبل ايام دار مهرجان البندقية. يالله سالى. شفنا كلشي كان منظم وحضرو اسماء كبيرة وتكرمو سينمائيين وسينمائيات وتشافو افلام. ووقت ما كانت موجة من كورونا فبداية الصيف فاسبانيا دار مهرجان مالگا.

ما يمكنش هاد المهرجانات يدارو وبلادهم كانت كتعرف حالات مرتفعة من الوفيات وعدد المصابين بكورونا٬ واليوم فالمغرب ودول اخرى٬ الوضعية الوبائية تتحسن ونسبة الوفيات كتقلص وعدد المغاربة اللي كيدخلو الانعاش كينزل يوميا٬ فظل هاد الشي٬ يتأجل مهرجان مراكش وتقرر مؤسستو دير انشطة رقمية بحال ورشات الاطلس.

كاينة شي مشاكل فهاد المهرجان. اما ديك كورونا راه غير سبة وما شاداش

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا