الرئيسية > آش واقع > اش هاد القضاء. ولد برلماني قتل بالقرطاس شياه وهدد السارح خرج كفالة والفرنسي اللي قتلهم حدا المحمدية هبطوه للحبس
05/05/2020 19:00 آش واقع

اش هاد القضاء. ولد برلماني قتل بالقرطاس شياه وهدد السارح خرج كفالة والفرنسي اللي قتلهم حدا المحمدية هبطوه للحبس

اش هاد القضاء. ولد برلماني قتل بالقرطاس شياه وهدد السارح خرج كفالة والفرنسي اللي قتلهم حدا المحمدية هبطوه للحبس

احمد الطيب كود الرباط///

جوج أحكام غريبة ومتناقضة، تصدرو مؤخرا، الأول كان قبل شي 4 أسابيع ومتعلق بإطلاق سراح ابن النائب البرلماني رحو الهيلع عن حزب “الاصالة والمعاصرة” بكفالة مالية، واللي متهم بإطلاق النار على مواطن كان كيسرح الغنم ديالو حدا الفيرما ديال باه البرلماني الشهير. الحكم الثاني متعلق بمتابعة فرنساوي في حالة اعتقال حيث دخل بطوموبيلتو فالكسيبة لي كيسرحها واحد الشاب فاقليم بنسليمان.

جوجت القضايا كيتشابهو كيتشابهو بزاف، غير ولد البرلماني جبد المكحلة ديالو وباغي يتيري ف السارح، في حين الفرنسي استعمل طوموبيلتو باش يضرب الغنم لي كان ف الأرض ديالو في اقليم بنسليمان.
النيابة العامة وجهت للمواطن الفرنسي تهما تتعلق بالتهديد بالقتل، وقتل حيوان أليف.

أما قضية ولد البرلماني البامي، يوم 11 أبريل، قررت محكمة الاستئناف بالرباط متابعته في حالة سراح بعد أداءه كفالة مالية قدرت ب 5000 درهم.

ويتهم ابن البرلماني باطلاقه النار من بندقية على غنم كان يرعى قرب ضيعة ابيه وهو في ملك احد المواطنين الذي خرج بفيدو يتهم تهجم ابن البرلماني عليه وعلى اغنامه وقتل ثلاثة من ماشيته.

وقام نجل البرلماني البام بإطلاق النار بتاريخ 23 مارس على شخص كان يرعى غنمه بالقرب من ضيعة يكتريها البرلماني، من وكالة تنمية الأراضي الفلاحية، تناهز مساحتها 400 هكتار تقع بدوار المباركيين بجماعة البراشوة, مما تسبب في مقتل ثلاثة نعاج.

المعطيات اللي نشراتها جريدة الصباح تفيد بأن البندقية توجد في وضعية غير قانونية، و قد حجزها وإحالتها على المختبر العلمي التابع للدرك الملكي.

فهاد القضيتين المثيريتين ولي كيتشابهو، كاينين أسئلة كثيرة كاطرح، واش لي استعمل الرصاص يخرج ف حالة سراح واللي استعمل طوموبيلتو يدخلوه للبنيقة بحال بحال؟

ثم كيفاش الطفل كيسرح فهاد حالة الطوارئ لي كاينا واش مسموح الناس يسرحو فهاد الحالة؟.
شنو الاخطر القرطاس ولا الطوموبيل؟.

موضوعات أخرى

25/10/2021 13:30

كرة الاحتجاجات ضد ايت الطالب كبرات.. أكبر تجمع نقابي بوزارة الصحة غايبدا سلسلة الوقفات ضد فشل الوزير فالتدبير و”التخلويض” فالمديريات