19/04/2024 07:00
ها بروگرام الدورة 26 من البطولة والعصبة أجلت قمة الرجاء ضد بركان وحددت موعد ماتش براكنة وليفار فكأس العرش
كود هناء ابو علي ////
فالوقت لي كولشي كان كيتسنى السلفي الفيزازي ينكر الوثيقة المسربة لي كتقول أنه مزوج شي سيدة سميتها سناء٬ الصاط خرج فتدوينة على صفحتو كيأكدها.
عوض ما يحشم على عراضو ويحتارم قوانين هاد لبلاد قال باللي غادي يتابع الجريدة الجهوية الطنجاوية قضائيا.
هاد الصاط تصاحب وباش يمارس الجنس خلصها ب5 الاف درهم وناض كيقلب علي التكييف ماشي القانوني المغربي اللا؟ قلب على الدين كيف كيفهمو. مشى يا سيدي كيف كتبين الوثيقة دار اقرار ضد القانون وكيدينو.
زواج عرفي ديال الدواعش وصافي. السيد اقر باللي تزوج سيدة بطريقة غير قانونية.
الخطير فالوثيقة هو أنه تمت المصادقة عليها فمقاطعة. كيفاش دولة كتصادق على تخربيق بحال هادا. كيفاش تصادق على ما هو غير قانوني لا دستوري.
ما حشمش قال باللي عطاها 5000 درهم ورجع هاد الشي صداق.
دابا خاص الدولة كلها تفتح تحقيق راه اهانة للمرأة
