كود عن الوكالات ///
العلم غادي ويتقدم. فكلشي. فاليونان قال اطباء تخصص الخصوبة انهم تغلبو على لعگر عند لمرا ولقاو طريقة جديدة يعاونوها تولد. رسميا تزاد ولد فاليونان عندو شي 3 كيلوغرام وصحتو مزيانة نهار الثلاث اللي فات والجديد ان هاد الزيادة عندو بو واحد وجوج مايات.
هاد الحدث التاريخي” كيف سماوه الطبا غادي يهني كاع العاگرات والعاگرين فالعالم
هاد الشي كيكون باستخدام التلقيح الصناعي “اي في اف”٬ بويضة من الام وحيوانات منوية من الاب وبويضة ثالثة للمرا المتبرعة. طبعا تخادت كاع الاحتياطات ضد الامراض القاتلة اللي كيدوز من الام للجنين المعروفة ب”الميتوكوندريا” وهي شي جزيئات صغيورة كتكون فكل خلية الجسم تقريبا. عندها مهمة: كتحول الغذاء إلى طاقة صالحة للاستعمال.
