كود مصطفى الشاذلي ///
صرح احمد احمد رئيس الاتحاد الافريقي لكرة القدم لاذاعة “راديو مارس” البارح باللي المغرب عطى للكاف ما مجموعه 20 مليار سنتيم. واش كاين شي ربط بين هاد لفلوس وبين منح فوزي لقجع رئيس الجامعة الملكية لكرة القدم لقب احسن رئيس لاتحاد افريقي؟
ممكن. غير هو احمد احمد يشرح مصدر من الجامعة ل”كود” كيهدر على المغرب ماشي الجامعة. اي اللي الدولة المغربية ساهمات فيه لتنظيم انشطة تهم الكاف مؤخرا.
المصدر قال ل”كود” ان هاد الشي كيقصد بيه تنظيم كأس أفريقيا للاعبين المحليين اللي ربحها المغرب نيت وكيقصد تنظيم “المناظرة الافريقية حول كرة القدم الافريقية بمراكش وفيها الجمع العام للاتحاد الافريقي لكرة القدم اللي دار فكازا وفيه اجتماع المدراء التقنيين لدراسة نتائج المنتخبات الافريقية في كأس العالم بروسيا اللي حتاضناتو الرباط وفيه الاستثمار اللي دارتو الدولة المغربية فتطوير كرة القدم بافريقيا.
المصدر اوضح ان اللي كيقصد هو الدولة ماشي الجامعة اللي عندها مساهمة واضحة بحالها بحال جميع الاتحادات الافريقية
