الرئيسية > كود سبور > اش كان كيدير رئيس البارصا فحسان بالرباط
13/09/2019 14:00 كود سبور

اش كان كيدير رئيس البارصا فحسان بالرباط

اش كان كيدير رئيس البارصا فحسان بالرباط

مصطفى الشاذلي – كود سبور//

جوسيب بارتوميو، رئيس برشلونة الإسباني، جا الرباط البارح وبالضبط لحسان وهاز معاه بزاف ديال الملفات.
جوسيب بارتوميو جا بلا بروتوكول ودخل لإحدى الإدارات كأيها الناس بلا بهرجة أو تجمهر.

أشخاص قلال تعرفوا عليه وطلبوا منو سيلفيات، وما ترددش في الاستجابة ليهم، كباقي الشخصيات العمومية والمشاهير.

كاين لي طلب منو تصويرة وكاين لي عبرلو على حبه الكبير للبارصا، وحدين أخرين سولوه على ميسي ونيمار، وهاد الرئيس المعروف بالتواضع ديالو لبى طلبات كاع لعشاق الفريق الكتالوني. ومن بعد دخل بزربة لواحد الإدارة فحسان.

هناك من قال إن جوسيب بارتوميو جا باش يدرس ملف إحداث أكاديمية كبيرة فالرباط تابعة لبرشلونة الإسباني، والبعض الأخر أكد أنه جا على “ليزافير” ديالو.

وحسب مصدر “كود”، فإن جوسيب بارتوميو رجع في نفس النهار لإسبانيا.

الأشخاص لي خداو تصاور معاه فرحانين بزاف، وعجبهم التواضع ديالو، وهادشي ماشي غريب على رؤساء الأندية العملاقة المعروفين بالتواضع ديالهم، حتا فلرونتينو بريز، رئيس ريال مدريد متواضع بزاف مع الفانز ديال الفريق الملكي.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا